ریٹائرڈ ججز کو الیکشن ٹریبونل تعینات کرنے  کے خلاف درخواست پر سماعت آج ہو گی 

لاہور( این این آئی)لاہور ہائیکورٹ میں ریٹائرڈ ججز کو بطور الیکشن ٹریبونل تعینات کرنے سے متعلق آرڈیننس کے خلاف دائر درخواست پر سماعت آج ( پیر) کے روز ہو گی ۔لاہور ہائیکورٹ کے جسٹس عابد عزیز شیخ سلمان اکرم راجہ کی درخواست پر سماعت کریں گے۔ درخواست میں الیکشن کمیشن اور وفاقی حکومت کو فریق بنایا گیا ہے۔درخواست میں استدعا کی گئی ہے کہ ریٹائرڈ ججز کو بطور الیکشن ٹریبونل تعینات کرنے والے الیکشن آرڈیننس 2024ء کو غیر قانونی قرار دیا جائے، آرڈیننس کے تحت پنجاب میں بطور الیکشن ٹریبونل ریٹائرڈ ججز کی تعیناتی کو غیر آئینی قرار دیا جائے۔سلمان اکرم راجہ نے درخواست میں اپیل کی ہے کہ درخواست کے حتمی فیصلے تک ریٹائرڈ ججز کو بطور الیکشن ٹریبونل قائم کرنے سے روکا جائے۔