دینہ ( نامہ نگار) نواحی علاقہ تھانہ ڈومیلی کی حدود بھوجا موہڑہ (پدھری) میں زمین کے تنازعہ پر دوفریقین کے درمیان تصادم ہوا ہے ،تصادم کے دوران فائرنگ، کلہاڑیوں اور ڈنڈوں کا آزادانہ استعمال ہوا جس کے نتیجہ میں ایک خاتون سمیت 6 افراد شدید زخمی ہو گئے، ملزمان نے خاتون کو ٹانگوں میں ٹریکٹر چلا کر زخمی کیا، ملزمان فائرنگ کے بعد موقع سے فرار ہو گئے ،زخمیوں میں 28 سالہ شمریز ولد معروف، 35 سالہ نعیم ولد ارشد، 28 سالہ عدیلہ زوجہ اعظم، 60 سالہ مقصود ولد محمد حسین، 17 سالہ نوید ولد صادق اور 60 سالہ ارشد ولد زمان شامل ہیں،مقامی افراد اور ریسکیو 1122 کی ٹیم نے تمام زخمیوں کو ہسپتال منتقل کیا، تھانہ ڈومیلی پولیس جائے وقوعہ پر پہنچ کر شواہد اکھٹے کرنے میں مصروف ہے، تمام زخمیوں کا تعلق ایک ہی گروپ سے ہے۔