اسلام آباد( خصوصی رپورٹ)علامہ اقبال اوپن یونیورسٹی نے سمسٹر بہار 2024ء￿  کے ماسٹر پروگرامز کے فائنل امتحانات کی ڈیٹ شیٹ جاری کردی ہے، ایم اے، ایم ایس سی، ایم کام، ایم ایڈ اور ایم بی اے پروگرامز شامل ہیں۔جاری کردہ ڈیٹ شیٹ کے مطابق اِن پروگراموں کے امتحانات 15نومبر سے شروع ہوں گے جو 16دسمبر تک جاری رہیں گے۔وائس چانسلر، پروفیسر ڈاکٹر ناصر محمود نے امتحانی مراکز میں طلبہ کی بنیادی سہولتوں کو یقینی بنانے کی ہدایات جاری کردی ہیں۔علاوہ ازیں سمسٹر خزاں 2024ء کے دوسرے مرحلے کے داخلے جاری ہیں۔ اس مرحلے میں پیش کئے جانے والے تعلیمی پروگراموں میں ایسوسی ایٹ ڈگری اِن آرٹس(بی اے جنرل)، ایسوسی ایٹ ایٹ ڈگری اِن کامرس(بی کام)،بی بی اے، ایسوسی ایٹ ڈگری اِن ایجوکیشن، بی ایس(او ڈی ایل )پروگرامز، ڈیڑھ، اڑھائی،چار سالہ بی ایڈ پروگرامز، پوسٹ گریجویٹ ڈپلومہ پروگرامز اور سرٹیفکیٹ کورسز شامل ہوں گے۔