سوڈان میں دنیا کا انوکھا حادثہ پیش آیا جہاں  چھوٹا طیار ہ  لوڈر رکشے سے ٹکرا گیا جس کے نتیجے میں  4 افرادموقع پر ہی  ہلاک ہوگئے اور 8شدید  زخمی ہو گئے۔زرائع کے مطابق  مشرقی سوڈان کی ریاست القضارف میں ایک چھوٹا طیارہ کچے رن وے پر اترنے کے دوران ایک  لوڈر رکشے سے ٹکرا گیا۔ جس کے نتیجے میں 4 افراد کی جان چلی گئی۔ سوڈان کے زرعی پیداوار اور اقتصادی وسائل کی وزارت نے ایک بیان میں کہا ہے کہ چھوٹا طیارہ فصلوں پر کیڑے مار دوائی کا سپرے کر کے مٹی کے رن وے پر اتر رہا تھا کہ اچانک سے ایک لوڈر رکشہ سامنے آگیا جس میں زرعی کارکن سوار تھے، طیارے کا یوکرینی پائلٹ اڑا رہا تھا جوکہ اپنے معاون سمیت محفوظ رہا اور ساتھ میں لوڈر  رکشہ ڈرائیور بھی محفوظ رہا، جبکہ دیگرسوار لوگ ہلاک اور زخمی ہوگئے۔ حادثے سے طیارے کو شدید نقصان پہنچا ہے۔