ذرائع کے مطابق العین جانے والی پی آئی اے کی پرواز پی کے دو سو پچپن کو کراچی میں اتار اگیا جس میں پچانوے افراد سوار تھے۔ پرواز کو جنریٹر میں خرابی کے باعث اتارا گیا ہے۔دوسری جانب اسلام آباد سے سکردو جانے والی پی آئی اے کی پرواز پی کے چار سو اکاون کو منسوخ کردیا گیا ۔ذرائع کا مزید کہنا ہے کہ کراچی سے مسقط جانے والی پرواز دوسو پچیس کو بھی منسوخ کردیا گیا جبکہ لاہور سے اسلام آباد جانیوالی پی کے تین سو چھپن کے بھی منسوخ کئے جانے کی اطلاعات ہیں۔ ادھر پی آئی اے کی متعدد اندرون وبیرون ملک جانے والی پروازیں تاخیر کا شکار ہیں۔