ڈیرہ غازی خان (این این آئی) ڈیرہ غازی خان میں مسافر وین اور کارمیں تصادم سے دو افراد جاں بحق اور 5 زخمی ہو گئے۔ زخمیوں کو ہسپتال منتقل کر دیا گیا جن میں سے متعددکی حالت تشویشناک ہے اور ہلاکتوں میں اضافے کا خدشہ ہے۔ پولیس کے مطابق ڈیرہ غازی خان انڈس ہائی وے پر بستی احمدانی کے مقام پر مسافر وین اور کار میں تصادم ہو گیا جس کے نتیجے میں دو افراد جاں بحق‘ پانچ زخمی ہو گئے۔ زخمیوں کو فوری طور پر ٹراما سینٹر منتقل کردیا گیا ہے جہاں ان کو طبی امداد دی جا رہی ہے۔ ڈاکٹروں کے مطابق دو زخمیوں کی حالت تشویشناک ہے۔ پولیس کے مطابق حادثہ اوور ٹیکنگ کے باعث پیش آیا تاہم مزید تفتیش کی جا رہی ہے۔