جنرل خالد شمیم وائیں کا ائر ہیڈکوارٹرز کا الوداعی دورہ، ائرچیف سے ملاقات

اسلام آباد (آن لائن+ نوائے وقت رپورٹ) چیئر مین جوائنٹ چیفس آف سٹاف کمیٹی جنرل خالد شمیم وائیں نے ائیر ہیڈ کوارٹرز اسلام آباد کا الوداعی دورہ کیا اور پاک فضائیہ کے سربراہ ائیر چیف مارشل طاہر رفیق بٹ سے اُنکے آفس میں الوداعی ملاقات کی۔ پاک فضائیہ کے سربراہ نے جانیوالے چیئرمین جوائنٹ چیفس آف سٹاف کمیٹی اپنے دور میں تینوںافواج کے درمیان بالعموم اور فضائی افواج کے درمیان بالخصوص مشترکہ و مربوط کاوش کے نظریے کو اجاگر کرنے پر انکے کردار پر انکا شکریہ ادا کیا۔ جانیوالے چیئرمین جوائنٹ چیفس آف سٹاف کمیٹی نے پاک فضائیہ کے جنگی تیاریوں اور جدیدیت کے پروگراموں پر گہرے اطمینان کا اظہار کیا۔ اس موقع پرمعزز مہمان نے پرنسپل سٹاف آفیسرز سے بھی ملاقات کی۔ ائیر چیف نے معزز مہمان سوونیئر پیش کیا۔