جذبہ قربانی سارا سال جاری رہنا چاہئے: شوبز شخصیات

لاہور( شوبز ڈیسک) شوبز شخصیات نے کہا ہے جذبہ قربانی سارا سال جاری رہنا چاہئے۔ اداکارہ ثناء، صائمہ نور ،ریشم ، میرا ،خوشبو ، ماہ نور ،سائرہ نسیم ،رابی پیرزادہ ،ثناءجاوید ،معمر رانا ،ریمبو ، فواد خان ، عاطف اسلم ،ارباز خان ، بابر محمود ، سید نور ، سنگیتا بیگم، قوی خان ، علی اعجاز ،امان اللہ ،نسیم وکی ، طارق ٹیڈی نے کہا مستحق لوگوں کو بھی خوشیوں میں شریک کرنے کی روایت قائم رکھی جائے۔ تہوار وں پر ہمیں اپنے اردگرد بھی نظر دوڑانی چاہیے اور مستحق لوگوں کو بھی خوشیوں میں شریک کرنے کے لئے اقدامات کرنے چاہئیں۔ شوبز شخصیات نے کہا کہ پاکستانی قوم درد دل رکھنے والی قوم ہے اور اس نے ہمیشہ مشکل حالات میں مصیبت زدہ بہن بھائیوں کی دل کھول کر امداد کی ہے ۔