لاہور(نامہ نگار) صوبائی دارالحکومت کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں ، موٹر سائیکلیں اور دیگر سامان لوٹ لیا ہے۔ ڈاکوؤں نے نیو انار کلی میں صابر کے اہلخانہ کو یرغمال بنا کر6لاکھ مالیت،گڑھی شاہو میں حسن کے گھر سے 4لاکھ مالیت ،قلعہ گجر سنگھ میں امدادکے گھر سے3لاکھ مالیت، گارڈن ٹائون میں ریاض کے گھر سے 2لاکھ مالیت کی نقدی، طلائی زیورات، موبائل فون اور دیگر سامان، نواب ٹاؤن میں قاسم علی اور اس کی بیوی سے4لاکھ مالیت ، نشتر کالونی میں الطاف کی فیملی سے 2لاکھ مالیت ، نواب ٹائون میں نوید کی فیملی سے ایک لاکھ مالیت کی نقدی، طلائی زیورات اور موبائل فون لوٹ لیا ہے۔ ڈاکوؤں نے شہر کے مختلف علاقوں میں راہزنی کی 7وارداتوں میں شہریوں سے ہزاروں روپے نقدی اور موبائل فون لوٹ لئے ہیں۔ چوروں نے مغلپورہ میںسے خادم، چوہنگ میں سے امین کی کاریں جبکہ نواب ٹائون میں سے نعیم ،اسلام پورہ میں سے سہیل، مستی گیٹ میں سے وارث، لٹن روڈ میں سے بلال، ماڈل ٹائون میں سے حماد کی موٹرسائیکلیں چوری کر لی ہیں۔فیروز والہ سے نامہ نگار کے مطابق لاہور روڈ کی آبادی ٹول پلازہ کے قریب ڈاکوئوں نے گن پوائنٹ پر لاکھوں روپے مالیت کے ٹرک کو روک کر لوٹ لیا۔ ڈاکوئوں نے ٹرک کو ڈرائیور اور کنڈکٹر سمیت اغوا کر لیا۔ ٹرک میں لوڈ شدہ سوتر لے کر فرار ہو گئے۔ متاثرہ افراد نے اس واقع کے بارے میں بھکیکی کو اطلاع دے دی ہے۔ ڈاکو سلمان شرقپور کے قریب موٹر سائیکل سوار اور راہگیروں کو روک کر لوٹ لیا۔ ڈاکو نقدی اور موبائل فونز چھین کر لے گئے۔ نا معلوم افراد کے مختلف علاوں سے دو موٹر سائیکلیں ایک رکشہ چوری کر لیا۔ فرار ہو گئے۔