کراچی(صباح نیوز)بجلی کے بلوں کی عدم ادائیگی کے باعث کے الیکٹرک نے جامعہ کراچی کی بجلی منقطع کردی ہے۔ جامعہ پر 6 کروڑ روپے واجب الادا ہیں جبکہ اس کے تمام شعبے اور ایڈمنسٹریشن بلاک بجلی سے محروم ہیں۔ترجمان جامعہ کراچی کے مطابق صبح سے بجلی نہیں جس کی وجہ سے مشکلات کا سامنا ہے۔اس سے قبل جامعہ کے سنگین مالی بحران سے متعلق خبریں سامنے آئی تھیں جن کے مطابق ملک کی سب سے بڑی درسگاہ 70 کروڑ روپے خسارے کا شکار تھی۔ اطلاع کے مطابق ادائیگی پر جامعہ کی بجلی بحال کر دی گئی ہے۔