وزیراعظم عمران خان نے اسپیکر قومی اسمبلی اسد قیصر کو پبلک اکانٹس کمیٹی کا چیئرمین شہباز شریف کو مقرر کرنے کا نوٹیفکیشن جاری کرنے سے روک دیا ۔چیئرمین پی اے سی کے بارے میں حتمی فیصلہ وزیر خارجہ شاہ محمود قریشی کی وطن واپسی تک موخرکرنے کا فیصلہ کیا گیا ہے۔وزیراعظم عمران خان سے سپیکر قومی اسمبلی اسد قیصر نے وزیر اعظم ہاﺅس میں ملاقات کی۔ذرائع کے مطابق اسپیکر قومی اسمبلی اسد قیصر نے پی اے سی کی چیئرمین شپ کے لیے اپوزیشن رہنماﺅں کی آراء سے وزیراعظم عمران خان کو آگاہ کیا۔اسپیکر نے سیاسی و جمہوری روایت کے مطابق اپوزیشن لیڈر کے چیئرمین پی اےسی ہونے سے متعلق بھی وزیراعظم کو آگاہ کیا۔وزیراعظم نے بھی شہباز شریف کو چیئرمین پی اے سی بنانے سے متعلق سینئر رہنماﺅں کے تحفظات سے اسپیکر قومی اسمبلی کو آگاہ کیا۔ذرائع کے مطابق اسپیکر قومی اسمبلی نے ملاقات میں جمہوری تسلسل اور اپوزیشن سے تعلقات کو بہتر بنانے پر زور دیا اور بعض وزرا کے ایوان میں رویے پر اپنے تحفظات سے بھی وزیراعظم کو آگاہ کیا۔ذرائع کے مطابق وزیراعظم عمران خان اور اسپیکر اسد قیصر کے درمیان ہونے والی ملاقات میں چیئرمین پبلک اکانٹس کمیٹی کے نام کے حوالے سے حتمی فیصلہ نہ ہو سکا۔ذرائع کا بتانا ہے کہ وزیراعظم عمران خان نے اسپیکر قومی اسمبلی اسد قیصر کو چیئرمین پبلک اکاونٹس کمیٹی کے بارے میں عملی قدم اٹھانے سے روک دیا ہے۔ذرائع کے مطابق چیئرمین پی اے سی کے بارے میں حتمی فیصلہ وزیر خارجہ شاہ محمود قریشی کی وطن واپسی تک مخر کرنے کا فیصلہ کیا گیا ہے۔ذرائع کا کہنا ہے کہ شاہ محمود قریشی کی واپسی پر تحریک انصاف کی پی اے سی نامزدگی کمیٹی سفارشات وزیراعظم کو پیش کرے گی اور پھر وزیراعظم کمیٹی کی سفارشات کی روشنی میں چیئرمین پی اے سی کے بارے میں حتمی فیصلہ کریں گے۔