کراچی (نیٹ نیوز) اداکار عمر شریف کی طبیعت میں بہتری آ گئی، آج دوپہر امریکا روانگی کی تیاری کی جارہی ہے۔کراچی کے نجی ہسپتال میں زیر علاج   اداکار عمر شریف کی طبیعت میں گزشتہ روز کی نسبت کافی بہتری آئی ہے جس بنا پر ملکی اور غیرملکی ڈاکٹروں نے انہیں ائیر ایمبولینس کے سفر کے لیے فٹ قرار دے دیا ہے۔ ڈاکٹرز پر اْمید ہیں عمر شریف کی صحت اسی طرح برقرار رہی تو آج دوپہر انہیں ائیر ایمبولینس میں امریکا روانہ کردیا جائے گا۔ فیملی ذرائع کے مطابق عمر شریف کا کرونا وائرس کا ٹیسٹ بھی لے لیا گیا، جس کی رپورٹ آج صبح آئے گی۔