اسلام آباد (نا مہ نگار)پاکستان بوائز سکائوٹس ایسوسی ایشن کے چیف کمشنرکے انتخابات آج ہوں گے،وزیر تعلیم شفقت محمود انتخابات کا انعقاد کروائیں گے، انتخابات میں 8امیدوار حصہ لے رہے ہیں ،بلوچستان بوائز سکائوٹس ایسوسی ایشن کے سردار یارمحمد رند اور پاکستان ریلویز بوائزز سکائوٹس کے سرفراز قمر ڈاہا کے درمیان کانٹے دار مقابلہ کا امکان ہے۔تفصیلات کے مطابق پاکستان بوائز سکائوٹس ایسوسی ایشن کے چیف کمشنر کے انتخابات کل 28ستمبر کو ہوں گے،انتخابات میں 8امیدوار حصہ لے رہے ہیں جن میں  بلوچستان بوائز سکائوٹس ایسوسی ایشن کے سردار یارمحمد رند اور پاکستان ریلویز بوائزز سکائوٹس ایسوسی ایشن کے سرفراز قمر ڈاہا ،اسلام آباد بوائز سکائوٹس ایسوسی ایشن کے عطرت نقوی سید،بلوچستان بوائز سکائوٹس ایسوسی ایشن کے امان اللہ کنرانی،پنجاب بوائز سکائوٹس ایسوسی ایشن کے محمد وسیم ،بلوچستان بوائز سکائوٹس ایسوسی ایشن کے سید اقبال شاہ،خیبر پختونخوا بوائز سکائوٹس ایسوسی ایشن کے ڈاکٹر صاحبزادہ حامد احمد اور پی آئی اے بوائز سکائوٹس ایسوسی ایشن کے شعیب احمد ڈیہری حصہ لے رہے ہیں ،اصل مقابلہ بلوچستان بوائز سکائوٹس ایسوسی ایشن کے سردار یارمحمد رند اور پاکستان ریلویز بوائزز سکائوٹس کے سرفراز قمر ڈاہا کے درمیان ہو گا۔