فرانسیسی سائنسدان کا زرعی یونیورسٹی فیصل آباد کا دورہ،باہمی دلچسپی کے امور پر تبادلہ خیال 

فیصل آباد(نمائندہ خصوصی) فرانسیسی سائنسدان پروفیسر ڈاکٹر رچرڈ گیٹن نے زرعی یونیورسٹی فیصل آباد کا دورہ کیا اوریونیورسٹی کے وائس چانسلر پروفیسر ڈاکٹر اقرار احمد خاں سے ملاقات میں باہمی دلچسپی کے امور پر تبادلہ خیال کیا۔اجلاس میں تحقیقی تعاون، طلباء اور فیکلٹی کے تبادلے، سمر پروگرامز (شارٹ کورسز) اور طلباء کیلئے وظائف زیر بحث آئے۔ فرانسیسی سائنسدان زرعی یونیورسٹی میں ہائر ایجوکیشن کمشن پاکستان ،فرانسیسی سفارتخانے اور کیمپس فرانس کے اشتراک سے جاری بائیوپیکیجنگ پروجیکٹ کے حوالے سے یونیورسٹی کے دورے پر ہیں۔