لاہور(سپورٹس رپورٹر) قذافی سٹیڈیم میں اب تک کا ٹی 20 میں سب سے بڑا ٹوٹل پانچ وکٹ پر 197رنز ہے جو پاکستان نے ورلڈ الیون کیخلاف میچ میں سکورکیاتھا جبکہ کم ترین سکور 101ہے جو پاکستان نے سری لنکا کیخلاف میچ میں بنایا تھا۔قذافی سٹیڈیم میں زمبابوے کیخلاف میچ میں پاکستانی ٹیم نے 176رنز کا مجموعہ حاصل کرکے میچ اپنے نام کیاتھا۔ یہ دوسری باری میں بننے والے اب تک کا سب سے بڑا سکورہے۔پاکستانی ٹیم کو قذافی سٹیڈیم میں 126 رنز کے سکور کا کامیابی سے دفاع کرنے کا اعزاز بھی حاصل ہے۔ پہلی اننگز کا ایوریج سکور 161 اور دوسری اننگز کا 147ہے۔اس گراونڈ پر مجموعی طورپر18 میچز ہوچکے ہیں جن میں سے 10 مرتبہ پہلے بیٹنگ کرنے والی ٹیم نے کامیابی حاصل کی جبکہ آٹھ بار پہلے بائولنگ کرنے والی ٹیم کو جیت نصیب ہوئی ہے۔