متعدد وارداتیں، ڈاکوؤں کا فون ’’پارسل لے  لیں‘‘ دروازہ کھلتے ہی گھر میں گھس گئے 

لاہور (نامہ نگار) لاہور میں ڈاکوئوں اور چوروں نے  متعدد شہریوں سے کروڑوں روپے، زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ ڈیفنس فیز سیون، وائے بلاک کے رہائشی ناصر کے موبائل فون پر کال آئی کہ میں کوریئر کمپنی کا نمائندہ  بات کررہا ہوں، میں آپ کے گھر کے باہر کھڑا ہوں، اپنا پارسل وصول کرلیں۔ ناصر مجید نے کورئیر پارسل وصول کرنے کے لئے دروازہ کھولا تو 3مسلح ڈاکوئوں نے اس پر اسلحہ تان لیا اور گھر میں گھس کر اہلخانہ کو  گن پوائنٹ یرغمال بنا لیا اور سب کو ایک کمرے میں بند کردیا اور  گھر سے 2کروڑ 77لاکھ 85 ہزار، ڈائمنڈ جیولری، زیورات، موبائل فون، لائسنسی بندوق اور پسٹل لوٹ لے گئے۔  مغلپورہ کے علاقے میں ڈاکوؤں نے  بزرگ شہری شجاعت سے دس تولے  زیورات لوٹ لئے شہری زیورات گروی رکھوانے کے لیے بینک جا رہا تھا۔ ڈاکوؤں نے انارکلی کے علاقے میں جواد اور اس کی فیملی سے3لاکھ80ہزار زیورات اور موبائل فون، ستوکتلہ میںاحسان اللہ سے 2لاکھ روپے، لیپ ٹاپ اور موبائل فون،فیکٹری ایریا میںساجد سے گن پوائنٹ پر ایک لاکھ  اور موبائل فون،اسلام پورہ  میں عمران سے 89 ہزار  ،شاہدرہ  میں ساجدعلی سے 75 ہزار روپے نقدی اور موبائل فون،جوہر ٹاؤن کے علاقے میں ڈاکو عمر سے49 ہزار روپے اور موبائل فون ، مغلپورہ کے علاقے میں بشیر سے 30 ہزار  اور موبائل فون ،راوی روڈ کے علاقے میں شاہد سے 27 ہزار اور موبائل فون،بھاٹی گیٹ میں اویس سے 18 ہزار  اور موبائل فون ،بادامی باغ  میں امجد سے 17 ہزار اور موبائل فون،کاہنہ میں عثمان سے 10 ہزار  اور موبائل فون ،،سندر میںعارف سے ہزاروں روپے  اور موبائل فون لوٹ لیا  چوروں نے جوہر ٹاؤن اور ڈیفنس  سے 2 کاریں، مزنگ  سے رکشہ جبکہ شاہدرہ ٹاؤن ، مزنگ ، ریس کورس ، اچھرہ ، ماڈل ٹاؤن،وحدت کالونی، کوٹ لکھپت اور داتا دربار سے8موٹر سائیکلیں چوری کر لیں