قائداعظم ٹرافی ، عبداللہ شفیق کے ناقابل شکست 189 رنز

کراچی (اسپورٹس رپورٹر)قائداعظم ٹرافی کے افتتاحی راؤنڈ کا پہلے دن کا کھیل آج مکمل ہو گیا۔ فیصل آباد کے اقبال اسٹیڈیم میں ناردرن نے سدرن پنجاب کے خلاف پہلے بیٹنگ کرتے ہوئے 92 اوورز میں 4 وکٹوں پر 379 رنز بنا لیے ہیں۔ 19 سالہ عبدالفصیح نے 151 رنز بنائے اور 20 چوکے اور چار چھکے لگائے۔ حسن خان نے 68 رنز کے عوض تین وکٹیں حاصل کیں۔پنڈی کرکٹ اسٹیڈیم میں بلامقابلہ ٹاس میں، سندھ نے سنٹرل پنجاب کے خلاف پہلے بولنگ کرنے کا فیصلہ کیا۔سنٹرل پنجاب نے 90 اوورز میں چھ وکٹ پر 358 رنز بنا لیے ہیں۔ عبداللہ شفیق نے ناقابل شکست 189 اور عامر یامین نے ناقابل شکست 61 رنز بنائے۔ سندھ کی جانب سے آصف محمود نے 109 رنز کے عوض تین وکٹیں حاصل کیں۔ایبٹ آباد کرکٹ اسٹیڈیم میں بلامقابلہ ٹاس میں خیبرپختونخوا نے بلوچستان کے خلاف پہلے بولنگ کا فیصلہ کیا۔ بلوچستان نے 89 اوورز میں پانچ وکٹوں پر 324 رنز بنا لیے ہیں۔ عظیم گھمن نے 78 اور عبدالواحد بنگلزئی نے 69 رنز بنائے۔