تربیلا(ملک فضل کریم سے)چیئرمین واپڈا کا تربیلا ڈیم، پاور ہاس اور زیر تعمیر تربیلا پانچویں توسیعی منصوبے کا دورہ چیئرمین واپڈا نے  تربیلا کے پانچویں توسیعی منصوبے کی مختلف سائٹس پر تعمیراتی پیش رفت کا بھی جائزہ لیا 1530میگاواٹ تربیلا پانچویں توسیعی منصوبے سے 2025 میں بجلی کی پیداوارشروع ہوگی، پراجیکٹ انتظامیہ کی بریفنگ چیئرمین واپڈا لیفٹیننٹ جنرل ( ر) سجاد غنی نے کہا ہے کہ تربیلا ڈیم 1974  میں اپنی تکمیل سے آج تک پاکستان کی اقتصادی اور معاشرتی ترقی میں اہم کردار ادا کر رہا ہے۔ زیر تعمیر تربیلا کے پانچویں توسیعی پن بجلی منصوبے کی تکمیل سے تربیلا ڈیم سے بجلی کی پیدا وار میں اضافہ ہو جائے گا۔ چیئرمین واپڈا نے اِن خیالات کا اظہار تربیلا ڈیم کے دورے کے موقع پر کیا۔ اپنے دورے میں انہوں نے غازی بیراج، تربیلا ہائیڈل پاور سٹیشن اور تربیلا فور ہائیڈل پاور سٹیشن کی کارکردگی کا مشاہدہ کیا۔ چیئرمین واپڈا نے زیر تعمیر تربیلا پانچویں توسیعی منصوبے کے مختلف حصوں بشمول اِن ٹیک، پین سٹاک اور پاور ہاس کی سائٹس کا بھی دورہ کیا.  اور ان سائٹس پر جاری تعمیراتی کام کا جائزہ لیا۔ان کے ہمراہ ممبر پاور جمیل اختر اور ممبر واٹر جاوید لطیف بھی انکے ہمراہ تھے ۔قبل ازیں جنرل منیجر تربیلا ڈیم محمد اعظم جوئیہ اور تربیلا پانچویں توسیعی منصوبے کے پراجیکٹ ڈائریکٹر نے تربیلا ڈیم کے مثر آپریشن اور  اِس ڈیم کے فوائد کے بارے میں بریفنگ دی۔ چیئرمین واپڈا کو تربیلا پانچویں توسیعی منصوبے پر تعمیراتی کام کی پیش رفت کے بارے میں بھی بتایا گیا۔ تربیلا پانچویں توسیعی پن بجلی منصوبے سے 2025 میں بجلی کی پیداوار شروع ہوگی۔ جنرل منیجر (پاور) تربیلا نے 3ہزار 478میگاواٹ پیداواری صلاحیت کے حامل تربیلا ہائیڈل پاور سٹیشن اور ایک ہزا ر410میگاواٹ پیداواری صلاحیت کے حامل تربیلا فورتھ ایکسٹیشن ہائیڈل پاور سٹیشن کے آپریشن کے بارے میں بریفنگ دی۔  تربیلا ڈیم پاکستان میں آبپاش زراعت اور اقتصادی ترقی میں کلیدی اہمیت کا حامل ہے۔ اِس ڈیم سے زرعی ضروریات پورا کرنے کے لئے ہر سال اوسطا64ملین ایکڑ فٹ پانی ریلیز ہوتا ہے۔ علاوہ ازیں تربیلا پن بجلی گھر سے قومی نظام کو اب تک تقریبا540  ارب 37کروڑ یونٹ جبکہ تربیلا فورتھ  ایکسٹیشن سے قومی نظام کو اب تک 17  ارب 30 کروڑ یونٹ کم لاگت اور ماحول دوست پن بجلی مہیا کی جا چکی ہے۔ تربیلا کی پیداواری صلاحیت اِس وقت 4 ہزار 888 میگاواٹ ہے جو پاکستان میں پن بجلی کی مجموعی پیداواری صلاحیت کا نصف سے بھی زیادہ ہے۔ایک ہزار 530 میگاواٹ صلاحیت کے زیر تعمیر پانچویں توسیعی منصوبے کی تکمیل سے تربیلا کی پیداواری صلاحیت 6ہزار 418میگاواٹ ہو جائے گی۔
دورہ