فیروز والہ : لاکھوں کے ڈاکے ‘شہری قیمتی اشیاء‘نقدی سے محروم

 فیروز والہ( نامہ نگار)ڈکیتی،راہزنی اور چوری کی وارداتوں کا سلسلہ بددستور جاری ڈاکو لاکھوں کی نقدی زیورات اورقیمتی سامان لوٹ کر لے گئے۔ جاوید نگر کے قریب ڈاکو دو دوستوں اورنگزیب اور طالب سے دو لاکھ روپے کی رقم تین موبائل چھین کر لے گئے، کوٹ عبدالمالک کے قریب ڈاکو وقاس احمد سے رکشہ اور نقدی چھین کر لے گئے۔ہاوسنگ کالونی کے قریب 3 مو ٹر سائیکل سوار ڈاکو دو سگے بھائیوں رومان اور ساقب سے نقدی اور 3قیمتی موبائل چھین کر فرار ہو گئے۔ سہجوال میں چو روں نے محمد آصف کی ورکشاپ کی دیوار کو نقب لگا کر کیری ڈبہ اور دیگن کا انجن کل ما لیتی 12لاکھ روپے چراکر فرار ہو گئے۔