شیخوپورہ (نمائندہ خصوصی) مسلم لیگ (ن) کے سینئر رہنماءسابق چیئر مین بلدیہ میاں امجد لطیف نے کہا ہے کہ میاں محمد نواز شریف وطن واپس آکر (ن) لیگ کی الیکشن کمپین کی قیادت کریں گے اور ملک و قوم کو درپیش مسائل سے ہمیشہ کیلئے چھٹکارا دلائیں گے، (ن) لیگ کے ورکرز کو نواز شریف کی آ مد کا شد ت سے انتظار ہے اور میاں نواز شریف کے استقبال کیلئے ہر سطح پر تیاریاں عروج پر ہیں، میڈیا سے گفتگو کرتے میاں امجد لطیف نے کہا کہ میاں نواز شریف کی وطن واپسی پر پوری قوم ان کا شاندار استقبال کرے گی اور (ن) لیگ کے ساتھ کھڑی ہو گی کیونکہ عوام میں مایوسی پھیلانے والے ملک وقوم کے دشمن ہیں۔