ڈپٹی کمشنر قصور کا گرین کوٹ میں گورنمنٹ گرلز ہائی سکول ‘ بنیادی مرکز صحت کا دورہ

قصور (نمائندہ نوائے وقت) ڈپٹی کمشنر نے گرین کوٹ میں گورنمنٹ گرلز ہائی سکول کے دورہ کے موقع پر اساتذہ و عملے کی حاضری، صفائی ستھرائی اور متعدد کلاس رومز میں جا کر تدریس کے عمل کا جائزہ لیا اور طلباءکو آشوب چشم کے حوالے سے آگاہی فراہم کی۔ ڈپٹی کمشنر نے بنیادی مرکز صحت کا بھی دورہ کیا اور وہاں پر ڈاکٹرز و پیرا میڈیکل سٹاف کی حاضری، صفائی ستھرائی اور لوگوں کو دی جانیوالی طبی سہولیات کو چیک کیا۔بعدازاں ڈپٹی کمشنر نے ”اب گاو¿ں چمکیں گے“ پروگرام کا بھی جائزہ لیا اور گاو¿ں میں صفائی ستھرائی کے نظام کو چیک کیا۔ اس موقع پر ڈپٹی کمشنر کا کہنا تھا کہ پنجاب حکومت کی ہدایات پر شہریوں کو تمام شعبہ زندگی میں ریلیف فراہم کرنا میری اولین ترجیح ہے۔