حافظ آباد:بنیاد فاﺅنڈیشن کے زیر اہتمام آواز دو پراجیکٹ کے سلسلہ میں اجلاس

حافظ آباد (نمائندہ خصوصی+نمائندہ نوائے وقت)پاکستان میں سماجی بہبو د پر کام کرنے والی بین الاقوامی تنظیم بنیاد فاﺅنڈیشن کے زیر اہتمام آواز دو پراجیکٹ کے سلسلہ میں ڈسٹرکٹ فورم کا اجلاس منعقد ہوا ،جس میں مانیٹرنگ آفیسر آواز دو پراجیکٹ ریاض احمد ، پراجیکٹ کوآرڈنیٹر عثمان غنی ،ڈپٹی ڈائریکٹر سوشل ویلفیئر آمنہ اشرف ، ڈسٹرکٹ الیکشن آفیسر عارفہ اصغر ،ڈسٹرکٹ لیٹریسی آفیسر محمد شفیق ، انچارج تحفظ سنٹر شاہد رفیق،اسسٹنٹ ایجو کیشن آفیسر اشتیا ق نذیر،میڈیکل سوشل آفیسر عمر منظور سمیت دیگر اراکین نے شرکت کی۔اجلاس میں آواز دو پراجیکٹ کے ڈسٹرکٹ فورم کی کارکردگی کا جائزہ ، کمیونٹی مسائل اور انکے حل کے حوالے سے تجاویز پیش کی گئی ۔اجلاس سے خطاب کر تے ہوئے مقررین کاکہنا تھا کہ موجودہ دور میں کم عمر ی کی شادی ،خواتین پر گھریلو تشدد ،جیسے مسائل میں اضافہ ہو رہا ہے ایسے مسائل کے حل کے لیے آواز د و پراجیکٹ شروع کیا گیا ہے جس کے تحت مختلف دیہات میں لوگوں کے مسائل حل کرنے کے لیے مقامی افراد پر مشتمل کمیٹیاں تشکیل دی گئی ہیں ، آواز دو پراجیکٹ کے ذریعے ٹرانسجینڈر کے مسائل کے حل کو بھی ترجیح دی جارہی ہے کیونکہ سوسائٹی کا یہ طبقہ ہمیشہ نظر انداز کیا جا تا رہا ہے ۔