گوجرانوالہ(نمائندہ خصوصی )ڈپٹی کمشنر فیاض احمد موہل نے کہا ہے کہ5سال سے کم عمر کوئی بچہ ویکسین پینے سے محروم نہ رہے، آئندہ ماہ یکم سے 5اکتوبر تک ہونے والی پانچ روزہ انسداد پولیو مہم کو ہر صورت کامیاب بنائیں ۔ اس انسداد پولیو مہم کے دوران9لاکھ63ہزار سے زائد بچوں کو پولیو سے بچاو¿ کے قطرے پلانے کا ہدف مقرر کیا گیا ہے،ان خیالات کا اظہار انہوں نے انسداد پولیو مہم کے جائزہ اجلاس سے خطاب کرتے ہوئے کیا۔ خانہ بدوش بستیوں، ہائی رسک یونین کونسلوں میں خصوصی توجہ دی جائے۔ انہوں نے مزید کہا کہ مسنگ چلڈرن اسی روز کور کئے جائیں اور زیرو ڈوذ بچوں پر خصوصی توجہ دی جائے تاکہ پولیو کے خاتمے کو جلد یقینی بنایا جاسکے۔