لاہور(نیوز رپورٹر) پاکستان اسلامک میڈیکل ایسوسی ایشن (پیما)  کے مرکزی صدر کے انتخابات مکمل ہو گئے۔ پروفیسر ڈاکٹر عاطف حفیظ صدیقی کو آئندہ 2 سالوں کیلئے پیما کا مرکزی صدر منتخب کیا گیا۔ وہ پیما کے 24 ویں مرکزی صدر ہیں۔ انہوں نے کراچی میں پیما کے 27 ویں مرکزی کنونشن میں اس عہدے کا حلف اٹھایا۔ اس وقت وہ ڈاؤ یونیورسٹی آف ہیلتھ سائنسز، کراچی میں شعبہ ENT کے سربراہ اور پروفیسر کی حیثیت سے خدمات انجام دے رہے ہیں۔