امت مسلمہ کومتحد ہو کر کفریہ طاقتوں سے لڑنا ہوگا:مولانا اکبر نقشبندی 

گوجرانوالہ(نمائندہ خصوصی)سنی اتحاد کونسل کے صوبائی سیکرٹری اطلاعات الحاج مولانا محمد اکبر نقشبندی نے مرکزی جامع مسجد نور جمعہ کے اجتماع سے خطاب کرتے ہوئے کہا ہے کہ موجودہ حالات میں امت مسلمہ کو آپس میں متحد ہو کر کفریہ طاقتوں سے لڑنا ہوگا۔غزہ کے بعد لبنان میں اسرائیلی بربریت پر انسانی چیخ و پکار پر اقوام عالم کی بے حسی افسوسناک ہے۔لبنان پر اسرائیلی حملہ مسلمانوں کے خلاف کھلی جنگ ہے۔عالم اسلام اسرائیل کی دہشت گردی کا منہ توڑ جواب دے۔امریکہ،برطانیہ اور بھارت اسرائیل کی پشت پناہی کرتے ہیں۔ایسے میں اگر مسلمان ممالک متحد ہو جائیں تو اسرائیل کو لگام ڈالی جا سکتی ہے۔