شعبہ زراعت تباہ‘ کسان در بدر کی ٹھوکریں کھانے پر مجبور ہیں :فیضان شفیق

شیخوپورہ (نمائندہ خصوصی) انجمن تاجران مدینہ مارکیٹ کے صدر فیضان شفیق خان‘ جنرل سیکرٹری سیٹھ عظیم نے کہا ہے کہ بجلی کی قیمتوں میں معاشی بدحالی کی چکی میں پسی غریب قوم کوریلیف دینے کی بجائے مزید اضافہ حکمران طبقے کا عوام دشمن پالیسیوں کا منہ بولتا ثبوت ہے‘ میڈیا سے گفتگو کرتے ان رہنمائوں نے کہا کہ زراعت جیسا شعبہ تباہی کے دہانے پر ہے کسان اپنے حقوق کے لیے در بدر کی ٹھوکریں کھانے پر مجبور ہیں لیکن کسی کی کہیں بھی شنوائی نہیں ہو رہی ہے ۔