قصور: موٹرسائیکلوں میں تصادم ‘ خاتون جاں بحق‘ خواتین سمیت 4 افراد زخمی 

قصور(نمائندہ نوائے وقت) قصور کے نواحی علاقے بھچر چوک میں تیز رفتاری کے باعث دو موٹر سائیکلز آپس میں ٹکرا گئیں،خاتون موقع پر ہی دم توڑ گئی جبکہ دو خواتین سمیت چارافراد زخمی ہوگئے۔ 65 سالہ شریفاں بی بی، 28 سالہ معاویہ بی بی اور 35 سالہ جہانگر موٹر سائیکل پر کوٹ رادھا کشن قصور آرہے تھے مخالف سمت سے عظمیٰ بی بی شاکر کیساتھ موٹر سائیکل پر آرہے تھے کہ تیز رفتاری کے باعث آپس میں ٹکرا گئے شریفاں بی بی موقع پر ہی دم توڑ گئی ۔جہانگیر، معاویہ بی بی،شاکر اور عظمیٰ بی بی چاروں شدید زخمی ہوگئے۔