شیخوپور ہ (نامہ نگار خصوصی) مسلم لیگ ن کے سینئر رہنما ٹکٹ ہولڈر اور ڈی ایچ کیو ہسپتال کے مانیٹرنگ افسر میاں امجد لطیف نے کہا ہے کہ پی ٹی آئی کے لوگ ملک میں صوبائی تعصب پھیلانے کی کوشش کر رہے ہیں۔ 400ارب روپے کے زرعی پیکج سے پنجاب میں سبز انقلاب برپا ہوگا ۔ حکومت کی بہتر معاشی پالیسیوں کے باعث شرح سود میں نمایاں کمی پٹرولیم مصنوعات کی قیمتوں میں کمی ہونے کے ساتھ ساتھ اشیائے خوردونوش کی قیمتوں میں بھی کمی ہو رہی ہے۔ان خیالات کا اظہار میاں منور اقبال ،میاں رفاقت علی ،میاں عرفان ،ملک عرفان اسلام کے ہمراہ صحافیوں سے گفتگو کرتے کیا۔