سیرت طیبہؐ میں زندگی کے ہرشعبے کیلئے مکمل رہنمائی ہے:میاں جمیل 

لاہور(خصوصی  نامہ نگار)تحریک دعوت توحید کے مرکزی قائد میاں محمد جمیل نے جامع أبی ہریرہؓ کریم بلاک اقبال ٹاؤن میں اجتماع سے خطاب کرتے ہوئے کہا سیرت طیبہؐ میں زندگی کے ہرشعبے کیلئے مکمل رہنمائی موجود ہے۔امت اطاعت رسول کریمؐ اور محبت کو لازم کرلے تو دربدر کی ٹھوکروں سے بچ جائے۔ محبت کا تقاضاہے کہ حضورنبی کریمؐ کی مکمل اطاعت کی جائے اوراطاعت کا تقاضاہے کہ سنت رسولؐ پر ہی عمل کیاجائے اسی کودین وایمان کا مرکز اور محور مانا جائے۔ افسوس ہے کہ ہم محبت مصطفیؐ کے محض دعوے کرتے ہیں لیکن بدقسمتی سے ہمارے اعمال بالکل برعکس ہیں۔ عقائد ہوں یا عبادات ہوں،انفرادی معاملات ہوں یااجتماعی امورہوں۔ سیدنا رسول کریمؐ کے ارشادات وفرامین میں مکمل رہنمائی موجودہے یہی دین اوریہی ایمان ہے۔