حضرت میراں حسین زنجانی ؒکے عرس مبارک کا افتتاح ،رسم چادر پوشی  

لاہور(خصوصی نامہ نگار) حضرت میراں حسین زنجانیؒکے1016 سالانہ عرس مبارک کا افتتاح رسم چادر پوشی سے سیکرٹری اوقاف ڈاکٹر طاہر رضا بخاری نے کیا۔ اس موقع پراوقاف کی جانب سے ’’ڈینگی آگا ہی مہم‘‘کی تشہیر کو مزید تیزکرنے،ڈینگی سے بچاؤ کے حفاظتی اقدامات، ڈینگی بخار سے بچاؤ کی تدابیر، زائرین میں ڈینگی وائرس کی حفاظتی تدابیرکی آگاہی کے متعلق پمفلٹ کی تقسیم، مزار ِمقدسہ کی صفائی، ناکارہ اشیاء کی ڈسپوزل، صفائی سمیت دیگر امور اور زائرین کیلئے حفظانِ صحت کے اصولوں کے مطابق پاکیزہ ماحول کی فراہمی،کو بہر صورت یقینی بنانے کے حوالے سے بھی موقع پر ہدایات جاری کی گئیں۔