لاہور (کلچرل رپورٹر)فلسطین فائونڈیشن کے زیر اہتمام جاری 2 روزہ خطاطی ورکشاپ و تصویری نمائش بعنوان عشق رسولؐ اور حمایت فلسطین کی خطاطی نمونوں کی نمائش پنجاب انسٹیٹیوٹ آف لینگویج ،آرٹ اور کلچر گیلری میںلگا دی گئی۔ خطاطی کی تصویری نمائش کا افتتاح لیاقت بلوچ، مجلس وحدت مسلمین کے رہنما علامہ احمد اقبال، بین الاقوامی آرٹسٹ ڈاکٹر اعجاز انور،ماسٹر خطاط عرفان قریشی، نقش سکول کی پرنسپل افروزہ ثروت  ، ماسٹر خطاط شفقت علی ، ڈاکٹر مظہر علی، شوکت علی منہاس،کرن ناز اور آرٹسٹ واجد علی نے کیا۔ خطاطی کے نمونوں میں ظالم کیخلاف جدوجہد اور آواز اٹھانے سے متعلق احادیث نبویؐاور فلسطین کے موجودہ حالات پر مبنی خطاطی شامل تھی۔