لاہور(نیوز رپورٹر) ہاسپٹلٹی سیکٹر میں سرمایہ کاری کے بڑھتے ہوئے رجحان کی وجہ سے پاکستان میں اندرونی اور بیرونی سرمایہ کاری میں خاطر خواہ اضافہ ہو سکتا ہے اس کیلئے رئیل سٹیٹ انڈسٹری سے وابستہ ریلٹرز کو اپنا بھرپور کردار ادا کرنا ہوگا۔ ان خیالات کا اظہار ٹائٹینیم کے سی ای او وقاص گلزار جنرل منیجر اویس گلزار اور ہیومن ریسورس منیجر کرن عارف نے عالمی یوم سیاحت کے موقع پر لگائی گئی ایکسپوکے دورہ کے موقع پر کیا۔ انہوں نے سٹال ہولڈرز سے گفتگو کرتے ہوئے عالمی یوم سیاحت کے موقع پر ٹورازم ایکسپو اور کانفرنس کے انعقاد کو انتہائی خوش آئند قرار دیتے ہوئے منتظمین کی کاوشوں کو سراہا۔