لاکھوں کے ڈاکے، چوریاں، کئی راہگیر لٹ گئے

لاہور (سٹاف رپورٹر) چوری و ڈکیتی کی متعدد وارداتوں میں شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلوں اور گاڑیوں سمیت اور دیگر سامان لوٹ لیا گیا۔ تفصیلات کے مطابق برکی میں یاسین سے 2 لاکھ روپے اور موبائل فون، شاہدرہ میں رفاقت سے 2لاکھ روپے اور موبائل فون، شاد باغ میں شکیل سے 1لاکھ 75 ہزار روپے اور موبائل فون، اچھرہ میں حامد سے 1 لاکھ 65روپے اور موبائل فون،رائے ونڈ میں عارف سے1 لاکھ 60 ہزار روپے اور موبائل فون،گوالمنڈی میں حسن سے 1لاکھ 40 ہزار نقدی اور موبائل فون، نوانکوٹ میں ناصر سے ایک لاکھ 25ہزار روپے موبائل فون اور دیگر سامان لوٹ لیا گیا۔ لاری اڈا اور ہنجروال سے گاڑیاں جبکہ جوہرٹاون لیاقت آباد اور نصیر آباد سے موٹرسائیکلیں چوری ہو گئیں۔