کلرسیداں(نامہ نگار)لندن کے نواحی قصبہ سلاؤ منعقدہ تقریب میں  پاکستان کمیونٹی اچیومنٹ ایوارڈز تقسیم کیئے گئے  برطانیہ بھر میں پاکستانی کمیونٹی کی شاندار خدمات کو تسلیم کرتے ہوئے صحافت، موسیقی،   تعلیم، انسانی حقوق، کمیونٹی اور فلاحی کاموں اور نمایاں کاروباری شخصیات میں خدمات کے اعتراف میں تعریفی اسناد اور یادگاری شیلڈز اور ایوارڈز دیئے گئے۔ صحافتی شعبے میں کلر سیداں سے تعلق رکھنے والے سینئر صحافی وقار بابر مغل کو میئر آف برینٹ کونسل طارق ڈار نے گولڈ میڈل سے نوازا وقار بابر مغل گزشتہ پچیس برس سے صحافت  شعبہ میں نمایاں اور فعال رہے اور کیمونٹی مسائل کو اجاگر کرنے میں اہم کردار ادا کیا۔اس موقع پر رکن پارلیمنٹ روتھ کیڈبری، رکن پارلیمنٹ تنمنجیت سنگھ دیسی، سابق میئر آف سلو چوہدری نذیر، چوہدری شفیق رشید بٹ، میئر آف برینٹ طارق ڈار، سابق میئر آف ہونسلو افضال کیانی، سابق میئر آف ہونسلو سمیعہ چوہدری، سابق میئر آف برینٹ ارشد بٹ، ڈپٹی میئر ہونسلو ملک شکیل اکرم اور دیگر کونسلرز اور تعلیم، صحافت، قانونی ماہرین اور دیگر شعبہ ہائے زندگی سے وابستہ افراد نے شرکت کی اور ان شخصیات کو ایوارڈ ملنے پر انہیں مبارکباد دی۔