لیاری میں آپریشن کےتیسرے روز بھی لیاری کے مختلف علاقوں میں فائرنگ کا سلسلہ وقفے وقفے سے جاری ہے اور قانون نافذ کرنے والے اہل کاروں کو جرائم پیشہ عناصر کی طرف سےسخت مزاحمت کا سامنا ہے تاہم پولیس نےکچھ علاقوں کا کنٹرول سنبھال لیا ہے اور اونچی عمارتوں پر مورچے بنا لئے ہیں ، لیاری میں جونا مسجد کے قریب فائرنگ سے ایک شخص زخمی ہوگیا۔ جمن شاہ پلاٹ پر پولیس کی بکتربند گاڑی پر راکٹ اور دستی بم سے حملہ کیا گیا جس سے بکتر بند کے دوٹائر پھٹ گئےتاہم پولیس اہلکار محفوظ رہے، علاقےمیں شدید فائرنگ اور کریکر کےدھماکوں کی اوازیں بھی آرہی ہیں جبکہ لیاری آپریشن کےممکنہ ردعمل کے پیش نظر کراچی پولیس کےایسٹ زون کو ریڈ الرٹ کردیا گیا ہے اور لیاری میں آپریشن کے لئے سی آئی ڈی کے تمام یونٹس کو ایس ایس پی چوہدری اسلم کے ماتحت کردیا گیا ہے۔ آپریشن میں سی آئی ڈی کےتمام یونٹ حصہ لےرہے ہیں جبکہ آپریشن کی وجہ سےلیاری میں نظام زندگی مفلوج ہوگئی ہے اور کاروباری سرگرمیاں معطل ہیں۔