شبقدر/لاہور (اے این این+نامہ نگار) شب قدر کا علاقہ بڑی تباہی سے بچ گیا، پولیس نے تین خطرناک دہشت گردوں کوگرفتار کرلیا، ان سے راکٹ لانچر ، گولہ بارود نقشے دیگر دستاویزات سمیت دیگر اسلحہ برآمد کرلیا۔ سرچ آپریشن کے دوران ایک مکان سے تین افراد جان عالم، روزی خان، زوردین کو گرفتارکرکے تفتیش کیلئے نامعلوم مقام منتقل کیا۔ دوران تفتیش ملزمان نے اعتراف کیا کہ ہم اپنے کمانڈر کے انتظار میں تھے۔ دہشتگردوں کی نشاندہی پر ایک خفیہ مقام سے چھپایا گیا اسلحہ و دیگر دہشت گردی میں استعمال ہونیوالا سامان بھی برآمد کرلیا گیا۔ ادھر لاہور میں اقبال ٹاؤن پولیس نے مون مارکیٹ میں سرچ آپریشن کر کے 11مشتبہ افراد کو حراست میں لے لیا ہے۔ شہریوں کی بائیو میٹرک تصدیق کی گئی ہے۔ شناختی کوائف نامکمل ہونے پر 11افراد کو حراست میں لے کر تھانے منتقل کر دیا گیا جہاں ان سے تفتیش جاری ہے۔ کرایہ نامہ تھانے میں رجسٹر نہ کرانے پر بھی ایک شخص کے خلاف کرایہ داری ایکٹ کے تحت مقدمہ درج کیا گیا ہے۔