راولپنڈی (نیوز رپورٹر) بےنظیر بھٹو انٹرنیشنل ائرپورٹ پر اینٹی نارکوٹکس فورس نے سعودی عرب جانے والے مسافر کے قبضہ سے لاکھوں روپے مالیت کی ہیروئن برآمد کر لی۔ ملزم نے 130 کیپسول نگل لئے تھے۔ بتایا گیا ہے کہ فضل ملک سکنہ کرم ایجنسی سعودی عرب جانے کے لئے اسلام آباد ائرپورٹ پہنچا تو اینٹی نارکوٹکس فورس نے اس کو مشکوک جان کر اس کا معائنہ کرایا تو اس کے معدے سے 130 کیپسول برآمد ہوئے جو ہیروئن سے بھرے ہوئے تھے۔ ملزم کو حراست میں لےکر تفتیش کا آغاز کر دیا گیا ہے۔