لاہور( این این آئی )نشان حیدر کااعزازپانے والے میجر شبیر شریف شہیدکا76واں یوم پیدائش گزشتہ روز منایا گیا ۔میجر شبیر شریف شہید 28اپریل1943ء کو ضلع گجرات کے علاقہ کنجاہ میں پیدا ہوئے۔انہوں نے19اپریل 1964میںفرنٹیر فورس رجمنٹ میں شمولیت اختیار کی۔3دسمبر 1971ء کو وہ بطور کمپنی کمانڈر فرنٹیر فورس رجمنٹ ہیڈ سلیمانکی کے محاذپر تعینات تھے۔ اس دوران انہوں نے دشمن فوجیوں اور ٹینکوں کو بھاری نقصان پہنچایااور6دسمبر 1971کو ملک و قوم کیلئے اپنی جان قربان کر دی۔ شہادت کے وقت ان کی عمر28برس تھی ان کی ہمت اور بہادری کے اعتراف میں انہیں سب سے بڑے فوجی اعزاز نشان حیدر سے نوازاگیا۔ میجر شبیر شریف شہید سابق چیف آف آرمی سٹاف جنرل راحیل شریف کے بڑے بھائی تھے۔