جڑانوالہ: ملک شیک پینے سے میاں بیوی 4 بچوں کی حالت غیر‘ ہسپتال منتقل

جڑانوالہ (نمائندہ نوائے وقت) ملک شیک پینے سے میاں بیوی سمیت 4 بچوں کی حالت غیر ہو گئی۔ بتایا گیا ہے تھانہ سٹی کے علاقہ 240 موڑ کے محمد اشرف کی اہلیہ نجمہ بی بی نے سٹرابری کا پھل خرید کر اس کا ملک شیک بنایا۔ ملک شیک میں کوئی زہریلی چیز گر جانے سے اسکے پیتے ہی 16سالہ حبیبہ، 10سالہ خضریٰ، 10سالہ عفیفہ، اشرف، عمیر کی حالت غیر ہوگئی۔فیصل آباد ریفر کر دیا گیا ہے۔