راولپنڈی (اپنے سٹاف رپورٹر سے)ایس پی صدر ضیاء الدین احمدنے اڈیالہ روڈ پر مساجد اور پکٹس کا دورہ کیا ،ایس پی نے مساجد پر لگی سیکیورٹی ڈیوٹی کا جائزہ لیا،ایس پی صدر ضیاء الدین احمد نے ڈیوٹی پر مامور افسران او ملازمین کو بریفنگ دیتے ہوئے کہا کہ آپ ایک اہم فورس کے رکن ہیں اس لیے آپ اپنی حفاظت کو یقینی بناتے ہوئے مکمل حفاظتی انتظامات کے بعد الرٹ ہو کر ڈیوٹی سرانجام دیں، ڈیوٹی کے دوران گلوز اور ماسک کے استعمال کو یقینی بنایا جائے،اس موقع پر ایس پی صدر نے مساجد انتظامیہ اور نمازیوں کو کہا کہ سوشل ڈسٹنسنگ کومدنظر رکھتے ہوئے نمازیوں کے درمیان فاصلے کو ایس او پی کے مطابق یقینی بنایا جائے،50سال سے زیادہ اور چھوٹے بچوں کو گھروں پر نماز پڑھنے کی تاکید کی جائے ،مساجد میں داخلی اور خارجی راستوں کیلئے الگ گیٹ کا استعمال ہو گا، بعد از نماز مسجد یا اس کے باہر مجمع نہیں لگنے دیا جائے گا، مساجد انتظامیہ اور نمازی حضرات پولیس سے تعاون کریںکورونا وائرس کے حوالے سے حکومتی احکامات اور حفاظتی تدابیر پر عملدرآمد کر کے ہم اپنی اور اہل خانہ کی زندگیوں کو اس مہلک وبا سے بچا سکتے ہیں۔