کرونا ایس او پی کی خلاف ورزی پرسخت ایکشن لیا جائیگا:سی ٹی او

گوجرانوالہ(نمائندہ خصوصی)چیف ٹریفک آفیسرسہیل فاضل نے ٹریفک سٹاف کو ہدایات جاری کرتے ہوئے کہاکرونا ایس او پی کی خلاف ورزی کرنے والے ڈرائیوران کے خلاف سخت ایکشن لیا جائے۔سی ٹی اونے کہا کہ کرونا ایس او پی کی خلاف ورزی پر سٹی ٹریفک پولیس کی کاروائی جاری ہے اور اس سلسلہ میںاب تک 26ایف آئی آرز درج اور13785  گاڑیوں کے چالان کئے گئے ہیں جن میں 9210 موٹر سائیکل، 306 رکشہ ،603 کاریں،18 ٹیکسیاں، 1133 پبلک ٹرانسپورٹ اور2515 ٹرک اور مزدا شامل ہیں۔ سی ٹی او نے عوام الناس کو ما سک پہننے ،سماجی فاصلہ رکھنے اور سینیٹائزر کے استعمال کی ہدایت کی اور کرونا ایس او پی پر عمل درآمد کرنے کی تلقین کی۔