بھارتی خاتون کی تپتی دھوپ میں گاڑی کے بونٹ پر روٹی پکاتے ویڈیو وائرل 

نئی دہلی (نیٹ نیوز) تپتی دھوپ میں خاتون کی گاڑی کے بونٹ پر روٹی پکانے کی ویڈیو سوشل میڈیا پر وائرل ہو گئی۔ معمول سے کہیں زیادہ گرم موسم میں ایک خاتون کی گاڑی کے بونٹ پر روٹی پکانے کی ویڈیو نے دیکھنے والوں کوحیران کر دیا۔ سوشل میڈیا پر وائرل ویڈیو میں دیکھا جا سکتا ہے کہ بھارتی ریاست اڑیسہ میں آگ برساتے سورج کے نیچے کھڑی خاتون نے گاڑی کے بونٹ پر چکلا بیلن رکھ کر روٹی بیلنے کے بعد نہایت مہارت سے گاڑی کے بونٹ پر رکھ کر اسے سیک رہی ہے۔ سورج کی تپش کے باعث روٹی ایسے پک گئی جیسے چولہے پر تیار کی گئی ہو۔ گاڑی کے بونٹ پر روٹی پکانے کی ویڈیو کو سوشل میڈیا پر اب تک ہزاروں لائیکس مل چکے ہیں۔