لاہور (سپورٹس رپورٹر) پاکستان اور سری لنکا کے درمیان ویمن سیریز کی تیاریوں کیلئے تربیتی کیمپ 7 مئی سے کراچی میں لگایا جائیگا۔ون ڈے اور ٹی ٹونٹی  سیریز کیلئے 18 مئی تک حنیف محمد ہائی پرفارمنس سنٹر کراچی میں جاری رہنے والے کیمپ میں 26 کھلاڑیوں کو طلب کیا گیا ہے۔سری لنکن خواتین ٹیم 19مئی کو کراچی پہنچنے گی، 21سے 23مئی تک پاکستان اور سری لنکا کی خواتین ٹیمیں پریکٹس کریں گی۔، 24 مئی کو پہلا ٹی ٹونٹی میچ، 26 کو دوسرا جبکہ 28مئی کو تیسرا ٹی ٹونٹی میچ کھیلا جائے گا، تین میچز پر مشتمل ون ڈے سیریز یکم جون سے کھیلی جائے گی۔