لاہور(سپورٹس رپورٹر)قومی کرکٹر احمد شہزاد نے مدینہ منورہ سے قومی کرکٹ ٹیم کے سابق کھلاڑی جاوید میانداد کیساتھ تصویر شیئر کردی۔ٹوئٹر پر جاری کی گئی تصویر کیساتھ احمد شہزاد نے لکھا کہ ’مقدس شہر مدینہ منورہ میں لیجنڈ جاوید میانداد سے ملاقات ہوئی۔جاوید میانداد کے بارے میں انہوں نے یہ بھی کہا کہ وہ متاثر کن کھلاڑی اور شخصیت ہیں۔احمد شہزاد کی جانب سے گزشتہ روز بھی ایک بیان کیا گیا تھا جس میں انہوں نے کہا تھا کہ ’خوش نصیبی کہ روزہ رسول پر حاضری کی سعادت ملی۔