فضائیہ میں نئے شاہینوں کا اضافہ، دفاع کی ذمہ داری اگلی نسل کو منتقلی کا مرحلہ: مریم اورنگزیب 

اسلام آباد (خبرنگار خصوصی) وفاقی وزیر اطلاعات و نشریات مریم اورنگزیب نے پاک فضائیہ کے پاس آﺅٹ ہونے والے افسران، ان کے والدین اور اساتذہ کو مبارکباد پیش کرتے ہوئے جمعہ کو اپنے ٹویٹ میں کہا کہ ارض پاک کی فضائی سرحدوں کے پاسبان پاک فضائیہ کے شاہینوں کی صفوں میں تربیت یافتہ نئے دستوں کی شمولیت اور دفاع وطن کی ذمہ داری اگلی نسل کو منتقل ہونے کا خوبصورت مرحلہ ہوتا ہے۔ رسالپور اکیڈمی ایک قابل فخر تاریخی درس گاہ ہے، پاس آﺅٹ ہونے والے افسران، ان کے والدین، اساتذہ اور پاکستان کو مبارک ہو۔ وزیر اطلاعات نے پاس آﺅٹ ہونے والے کیڈٹس کو خراج تحسین پیش کرتے ہوئے کیڈٹس کی پریڈ کی ویڈیو بھی شیئر کی اور ڈاکٹر علامہ محمد اقبال کا شعر یا رب دل مسلم کو وہ زندہ تمنا دے، جو قلب کو گرما دے، جو روح کو تڑپا دے، شامل تحریر کیا۔ 
مریم اورنگزیب