لاہور (سپورٹس رپورٹر) معروف پاکستانی کمنٹیٹر بازید خان نے ٹی 20 ورلڈکپ 2024 کیلئے قومی ٹیم کے سکواڈ کا انتخاب کرلیا۔ وکٹ کیپر بلے باز عثمان خان باہر، بازید خان کی جانب سے انٹرنیشنل کرکٹ کونسل (آئی سی سی ) ٹی ٹوئنٹی ورلڈکپ 2024 کیلئے 15 رکنی سکواڈ کا انتخاب کیا گیا ہے۔ سکواڈ میں کپتان بابر اعظم، وکٹ کیپر محمد رضوان اور متبادل وکٹ کیپر کیلئے اعظم خان کا نام شامل کیا گیا۔ ورلڈ کپ سکواڈ میں صائم ایوب، فخر زمان، محمد حارث، افتخار احمد، شاداب خان اور عماد وسیم کا نام شامل ہے۔ بازید خان نے سکواڈ میں عامر جمال اور ابرار احمد کو بھی شامل کیا ہے۔ بازید خان کے انتخاب کردہ سکواڈ کے پیس اٹیک میں شاہین شاہ آفریدی، محمد عامر، نسیم شاہ موجود ہیں۔ فاسٹ باولر عباس آفریدی کی جگہ حارث روف کا نام شامل کیا گیا ہے۔