دوسرا ٹی 20: ویسٹ انڈیز ویمنز نے پاکستان ویمنزکو 7 وکٹ سے ہرا دیا

لاہور(سپورٹس رپورٹر)5 ٹی ٹوئنٹی میچز کی سیریز کے دوسرے میچ میں ویسٹ انڈیز  ویمنز نے پاکستان ویمنز کو 7 وکٹ سے ہرا دیا۔ کراچی میں کھیلے گئے میچ میں قومی ٹیم کی کپتان ندا ڈار نے ٹاس جیت کر بیٹنگ کا فیصلہ کیا۔پاکستان کی سدرا امین 10 اور گل فیروزہ 14رنز بنا کر آؤٹ ہوگئیں۔ پاکستان کا سکور 7 وکٹ پر 121 رنز رہا۔مہمان ٹیم کی ہیلی میتھیوز نے 3 وکٹیں حاصل کیں۔ ہدف کے تعاقب میں ویسٹ انڈیز بیٹرز نے ہدف 10 گیندوں پہلے 3 وکٹ پر پورا کر دیا۔ ویسٹ انڈیز نے 7 وکٹ کی فتح کے ساتھ 5 میچز کی سیریز میں 2 صفر کی برتری حاصل کرلی۔