گوجرانوالہ:تھیٹرز میںایس او پیز کی دھجیاں اڑائی جانے لگیں 

گوجرانوالہ(نمائندہ خصوصی)تھیٹرز میںچیک اینڈ بیلس نہ ہونے کے باعث ایس او پیز کی کھلم کھلا دھجیاں اڑائی جانے لگیں ،شہری حلقوں نے اعلی حکام سے ایکشن لینے کا مطالبہ کر دیا ،بتایا گیا ہے کہ راکسی تھیٹر اور کیپری تھیٹر میں تفریح کے نام پر لگنے والے اسٹیج ڈراموں میں متعلقہ حکام کی جانب سے کوئی چیک اینڈ بیلس نہ ہونے کی وجہ سے مبینہ طور پر ایس او پیز کی کھلم کھلا خلاف ورزیاں ہو رہی ہیں ،اداکارائیں سستی شہرت حاصل کرنے کی خاطر بیہودہ اشارے اور ذومعنی جملوں کو بے دریغ استعمال کر رہی ہیں حالانکہ اسوقت کی نگران حکومت نے پنجاب بھر میں ایس او پیز کی خلاف ورزیاں کرنے پر سخت ایکشن لیتے ہوئے تھیٹرز کو سیل اور فحاش حرکات کرنیوالی اسٹیج اداکارائوں کو بین بھی کر دیا تھا ،اسٹیج اداکارائوں نے بیان حلفی دیتے ہوئے یقین دہانی کروائی کہ وہ آئندہ ایس او پیز کی خلاف ورزی نہیں کریں گی مگر اسکے باوجود اداکارائیں سستی شہرت حاصل اور داد وصول کرنے کے چکروں میں بیہودہ حرکات کر رہی ہیں ادھر شہری حلقوں نے اعلی حکام سے پر زور اپیل کی ہے کہ بیہودہ حرکات کرنیوالی اداکارائوں اور ایس او پیز کی خلاف ورزیاں کروانے والے تھیٹروں کیخلاف سخت ایکشن لیا جائے