گوجرانوالہ (نمائندہ خصوصی )مرکزی صدر آل پاکستان کلرکس ایسوسی ایشن حاجی محمد ارشاد آرائیں کی ریٹائرمنٹ پر پنجاب ٹیچرز یونین اور پنجاب بھر کے کلریکل سٹاف نے پروقار تقریب کا انعقاد کیا، تقریب میں حاجی محمد ارشاد آرائیں کو پھولوں کے گلدستے پیش کئے گئے اور پنجاب ٹیچرز یونین کی طرف سے انکی شاندار خدمات پر یادگاری سوینیئر بھی پیش کیا گیا، اس موقع پر تقریب سے خطاب کرتے ہوئے صوبائی صدر پنجاب ٹیچرز یونین چودھری محمد اللہ رکھا گجر، صوبائی نائب صدر محمد طارق قریشی، ضلعی صدر عبدالواحد ڈار، جنرل سیکرٹری چودھری محمد افضل بھنڈر نے حاجی محمد ارشاد آرائیں کی پنجاب بھر کے کلریکل سٹاف کیلئے خدمات پر انہیں زبردست خراج تحسین پیش کرتے ہوئے کہا کہ وہ اعلی اخلاق کی شخصیت کے حامل تھے۔ جنہوں نے ہمیشہ اپنے جونینئرز کیساتھ جو مشفقانہ رویہ اپنایا اسے ہمیشہ یاد رکھا جائے گا۔ آخر میں پنجاب ٹیچرز یونین اور اور کلریکل سٹاف کا مشترکہ طور پر مزید کہنا تھا کہ حاجی محمد ارشاد آرائیں کو ملازمین اور پنشنرز کے حقوق کیلئے کئی گئی عملی جدوجہد اور ناقابل فراموش خدمات پر دل کی اتھاہ گہرائیوں سے خراج تحسین پیش کرتے ہیں۔