گوجرانوالہ:یو این مشیر، کلامیٹ چینج سٹینستھ کا بزنس سینٹر انکلوئیر کا دورہ

گوجرانوالہ( نمائندہ خصوصی ) اقوام متحدہ کے چارٹر(پائیدار ترقی کے اہداف)SDG's کی مشیر برائے موسمیاتی تبدیلی انگر میٹ سٹینستھ نے اپنے وفد کے ہمراہ بزنس سینٹر میں قائم صنعتی مصنوعات پر مشتمل میڈ ان گوجرانوالہ انکلوئیر کا دورہ کیااور صنعتی مصنوعات کو بے حد سراہا،اس موقع پر بزنس کمیونٹی سے گفتگو کرتے ہوئے انگر میٹ کا کہنا تھا کہ موسمیاتی تبدیلیوں کی وجہ سے دنیا کو بیشتر چیلنجز کا سامنا ہے جن میں ہیلتھ ایشوز ، فوڈ سکیورٹی اور انفراسٹرکچر کا نقصان سر فہرست ہیں۔لہذا اب ماحول دوستی کی جانب تیزی سے بڑھنا ہو گا یہ متعدد حکمت عملیوں سے کیا جا سکتا ہے جیسے قابل تجدید توانائی میں سرمایہ کاری، فضلہ کو کم کرنا ، توانائی کی کارکردگی کو بہتر بنانا، اور زیادہ پائیدار زرعی طریقوں کی طرف منتقلی ہے۔اس موقع پر چیئرمین گوجرانوالہ بزنس سینٹر احمد اکرام لون کا کہنا تھا کہ موسمیاتی تبدیلیوں کا مقابلہ کرنے کے لیے ٹھوس اقدامات کرنے ہونگے ۔موسمیاتی تبدیلی ایک پیچیدہ اور فوری حل طلب مسئلہ ہے جس سے نمٹنے کے لئے اجتماعی کاروائی کی ضرورت ہے ۔